Leiar av brann- og redningsvesenet (brannsjef)

Høyanger kommune  søkjer ein engasjert og fagleg sterk leiar i 100 % stilling, som vil utvikle både brannberedskap og førebyggande arbeid i kommunen. Som leiar av brann- og redningsvesenet vil du ha det overordna ansvaret for tryggleik og fagleg utvikling av mannskap, planverk og utstyr.

Stillinga er organisert som éi samla leiarstilling med ansvar for overordna leiing, brann- og redningsberedskap og førebyggjande arbeid. Organiseringa er basert på kommunen sine risiko- og sårbarheits analysar, førebyggjande analyse og beredskapsanalyse.

Stillinga er ledig frå snarast.

Om brann- og redningsvesenet

Samla brannberedskap er basert på deltidsmannskap, og det er etablert overordna vaktberedskap med fleire personar.

Brann- og redningsvesenet i Høyanger kommune er organisert med ein brannstasjon i Høyanger sentrum og brannberedskap i Lavik og på Høyanger sørside.

Det er samarbeidsavtale med industrivernet ved Hydro Aluminium, som utgjer beredskapsstyrken ved brannstasjonen i Høyanger.

Brann- og redningsvesenet samarbeider med nabobrannvesen og andre naudetatar, og har avtalar om gjensidig bistand. Organisering, bemanning og lokalisering av ressursar er basert på kommunen sin beredskapsanalyse.

Ansvarsområde og arbeidsoppgåver

Som leiar av brann- og redningsvesenet får du det overordna faglege, administrative og operative ansvaret for tenesta.

Overordna leiing

• Leie og utvikle brann- og redningsvesenet i tråd med gjeldande lovverk, forskrift og kommunale mål
• Sikre ei forsvarleg organisering og drift basert på risiko og behov
• Ansvar for planverk, styringssystem og internkontroll
• Personal- og fagansvar
• Samarbeid med og oppfølging av samarbeidsavtalen med industrivernet

Brann- og redningsberedskap

• Fagleg ansvar for brann- og redningsberedskapen
• Sørgje for dimensjonering, øving, trening og evaluering av brannberedskapen
• Delta i og inngå i overordna vaktberedskap
• Sikre samhandling med andre naudetatar og relevante samarbeidspartnarar

Førebygging

• Fagleg ansvar for det førebyggjande arbeidet i kommunen
• Planleggje og prioritere tilsyn og andre førebyggjande tiltak basert på risiko
• Følgje opp særskilde brannobjekt og andre risikoområde
• Bidra i kommunen sitt samla arbeid med samfunnstryggleik og brannberedskap

Kvalifikasjonar

• Brannfagleg utdanning i tråd med krav i gjeldande regelverk
• Erfaring frå brann- og redningsberedskap og/eller førebyggjande arbeid
• Relevant leiarerfaring
• God forståing for offentleg forvaltning og kommunal organisering er ønskeleg
• God skriftleg og munnleg framstillingsevne på norsk
• God kjennskap til Office verktøy og ulike brannfaglege system

Søkjarar som ikkje oppfyller alle formelle faglege kompetansekrav ved tilsetjing, må vere villig til å gjennomføre nødvendig utdanning innan fastsett frist. Det vert lagt til rette for slik kompetanseutvikling.

Personlege eigenskapar

• Tydeleg og strukturert leiar
• Gode samarbeidsevner og relasjonskompetanse
• Evne til å arbeide både strategisk og operativt
• God rolleforståing og gjennomføringsevne

Vi søkjer deg som er engasjert i utvikling av Høyanger kommune og likar å finne løysingar i samarbeid med andre. Vi er opptekne av god service til innbyggjarane våre. Det må du også vere!

Kvifor søkje hos oss

• Ei sentral og viktig leiarstilling i kommunen
• Varierte og meiningsfulle arbeidsoppgåver
• Lønn etter avtale
• Gode pensjons- og forsikringsordningar
• Flyttegodtgjersle etter kommunalt regulativ
• Hjelp til å skaffe kommunal bustad

Presentasjon av Høyanger som bu- og arbeidsområde:

Høyanger kommune har store moglegheiter inn i det grøne skiftet og mot sirkulærøkonomi. Industristaden Høyanger har rein, fornybar vasskraft og vi har infrastruktur som topp moderne industrianlegg.

Vi satsar på kultur og folkehelse, og vi dyrkar samspelet mellom det profesjonelle, kommunen og dei frivillige. Vi jobbar for å skape eit inkluderande og aldersvenleg samfunn, med fokus på universell utforming og gode møteplassar.

Vi har som mål å styrke attraktiviteten til kommunen, og sikre at det er godt å både bu, besøke og å drive næring i heile kommunen.  Her kjem du inn i bildet!

Kvifor Høyanger?

• Stor aktivitet innanfor næringslivet med fokus på den grøne skifte og sirkulærøkonomi
• Eit rikt lag- og organisasjonsliv
• Fokus på samskaping og samarbeid
• Topp moderne treningssenter, ski- og turløyper, idrettsanlegg, m.m.

Den som blir tilsett må levere godkjend politiattest før oppstart.

Lurer du på korleis det er å jobbe hos oss eller korleis det er å bu i Høyanger kommune? Ta kontakt med Steffen Luggenes på telefon 90 01 71 15

Lurer du på kva du kan gjere på fritida i Høyanger kommune? https://hoyanger.friskus.com/events

Meir om korleis Høyanger kommune skal arbeide med samfunnsutvikling dei neste åra finn du her:
https://www.hoyanger.kommune.no/_f/p9/i3738d1b9-f9b9-420a-99b2-39c10680eb07/samfunnsdelen_vedteken-versjon_2012.pdf

Vi gjer merksam på at etter offentleglova § 25 kan opplysningar om søkjaren bli offentlege, sjølv om søkjaren har oppmoda om ikkje å bli ført opp på søkjarlista. Ønskje om å verte unntatt offentlegheit blir handsama i tråd med offentleglova.