Helsesjukepleiar

Høyanger helsestasjon har både helsesjukepleiar, jordmor og sjukepleiar i avdelinga. Hovudkontor  ligg i Høyanger med to utekontor - i Lavik og Søreide.
Det er omlag 25 fødsler i året, barnekulla er fint fordelt utover i kommunen. Kommunen har 4 grunnskular og ein vidaregåande skule. I tillegg har vi Helsestasjon for Ungdom 1 g/veke.

Helsestasjon er ein allsidig arbeidsplass, med mange spennande arbeidsoppgåver, og vi samarbeider med mange ulike aktørar i kommunen. Vi har eit godt  og ungt arbeidsmiljø der vi også har fleire faste sosiale samlingar i løpet av året .

 Vi har ledig fast 100% stilling frå snarast. 

Er du ein sjukepleiar som ynskjer å ta helsesjukepleiarutdanning på deltid? Vi vil kunne legge til rette for dette mot bindingstid etter fullført utdanning.

Arbeidsoppgåver:

• oppfølging av barn og familie
• skulehelseteneste
• psykososialt arbeid
• informasjonsarbeid/helseopplysning/ undervisning

Vi ønskjer søkjarar som:

• har utdanning som helsesjukepleiar og som er fagleg engasjert med fokus på kvalitet
• evt er sjukepleiar som ynskjer å ta helsesjukepleiarutdanning på deltid.  Vi vil kunne legge til rette for dette mot bindingstid etter fullført utdanning.

Personlege eigenskaper:

• møter brukar og pårørande på ein open og respektfull måte
• tek ansvar for eigen fagleg utvikling og medverkar til eit godt arbeidsmiljø.
• er målretta og arbeider systematisk, både sjølvstendig og i team
• gode norsk skriftleg og munnleg framstillingsevne
• førarkort klB (fortrinssvis manuell gir)

 Personlege eigenskapar vil bli vektlagt

Vi tilbyr

• Eit triveleg og hektisk arbeidsmiljø med aktive, engasjerte og dyktige kollegaer
• Lønn etter tariff
• God pensjonsordning gjennom KLP
• Sjukepleiar / helsesjukepleiar starter med avlønning på 8 års ansiennitet

Den som vert tilsett må legge fram godkjend politiattest før tiltreding.